Sunday, September 9, 2012

ಹಾಂಟರ್ಸ್....

ಕೊರಿಯನ್  ನಿರ್ದೇಶಕ ಮಿನ್  ಸುಕ್  ಕಿಮ್  ನ ಮೊದಲ ನಿರ್ದೇಶನದ ಚಿತ್ರವೇ ಹಾಂಟರ್ಸ್.ಚಿತ್ರ ವಿಚಿತ್ರ ಕಥೆಗಳನ್ನು ತೆರೆಗೆ ತರುವವರಲ್ಲಿ ಯಾವಾಗಲೂ ಕೊರಿಯನ್ನರು   ಮುಂದು ಎಂದೆ ಹೇಳಬಹುದು. ಇಲ್ಲಿನ ಖಳನಾಯಕನಿಗೆ ಒಂದು ವಿಶೇಷವಾದ ಶಕ್ತಿಯಿದೆ. ಅದೆಂದರೆ ಸಮ್ಮೋಹನ ಶಕ್ತಿ. ಯಾರನ್ನೇ ಆಗಲಿ ಕ್ಷಣಾರ್ಧದಲ್ಲಿ ತನ್ನ ವಶಕ್ಕೆ ತೆಗೆದುಕೊಳ್ಳುತ್ತಾನೆ, ತನಗಿಷ್ಟ ಬಂದ  ಹಾಗೆ ಅವರ ಕೈಯಲ್ಲಿ ಕೆಲಸ ಮಾಡಿಸುತ್ತಾನೆ. ಅಥವಾ ಅವರು ಹಾಗೆಯೇ ಸ್ಥಿರವಾಗಿ ನಿಲ್ಲುವಂತೆ ಮಾಡಿಬಿಡುತ್ತಾನೆ. ಅವನಿಗೆ ಬ್ಯಾಂಕ್ ದರೋಡೆ ಬಹಳ ಸುಲಭ. ಸುಮ್ಮನೆ ಬ್ಯಾಂಕಿಗೆ ಹೋಗಿ ಅಲ್ಲಿದ್ದ ಎಲ್ಲರನ್ನೂ ಸುಮ್ಮನಿರುವಂತೆ ಕಣ್ಣಲ್ಲೇ ಸೂಚಿಸಿ ಮ್ಯಾನಜರ್ ಗೆ ಕಣ್ಣಲ್ಲೇ ಸನ್ನೆ ಮಾಡಿದರೆ ಮುಗೀತು .ಸ್ವತಹ ಆತನೇ ಹೋಗಿ ಒಂದು ಬ್ಯಾಗಿನ ತುಂಬಾ ಹಣ ತುಂಬಿ ಇವನ ಕೈಗೆ ಕೊಟ್ಟುಬಿಡುತ್ತಾನೆ. ಪೋಲೀಸನವರಿಗೂ ಈತ ಹೆದರಬೇಕಾಗಿಲ್ಲ ಅವರನ್ನು ಕ್ಷಣಾರ್ಧದಲ್ಲಿ ಮರುಳುಮಾಡುತ್ತಾನೆ...
ಹಾಗೆ ಚಿತ್ರದ ನಾಯಕನಿಗೂ  ಒಂದು ದಿವ್ಯ ಶಕ್ತಿಯಿದೆ. ಅದೆಂದರೆ ಆತ  ಯಾರ ಸಮ್ಮೋಹನಕ್ಕೂ ಒಳಗಾಗದೆ ಇರುವುದು. ಅದೊಂದು ಸನ್ನಿವೇಶದಲ್ಲಿ ನಾಯಕ -ಖಳನಾಯಕ ಮುಖಾಮುಖಿಯಾಗುತ್ತಾರೆ. ಆಗ ಖಳನಿಗೆ ಗೊತ್ತಾಗುತ್ತದೆ, ತನ್ನಲ್ಲಿರುವ ಅದ್ಭುತ ಶಕ್ತಿಗೆ ನಾಯಕನ ಬಳಿ ಕವಡೆ ಕಾಸಿನ ಕಿಮ್ಮತ್ತಿಲ್ಲ ಎನ್ನುವುದು. ಆದವನ ಈಗೋವನ್ನು ಹರ್ಟ್ ಮಾಡುತ್ತದೆ. ಹೇಗಾದರೂ ಮಾಡಿ ತನ್ನ ಶಕ್ತಿಯನ್ನು ನಾಯಕನಿಗೆ ತೋರಿಸಬೇಕು, ಅವನನ್ನು ಮುಗಿಸಲೇ ಬೇಕು ಎಂಬ ನಿರ್ಧಾರಕ್ಕೆ ಬಂದ ಖಳನಾಯಕ ವಿನಾಕಾರಣ ನಾಯಕನನ್ನು ಎದುರುಹಾಕಿಕೊಳ್ಳುತ್ತಾನೆ. ಬಾಲ್ಯದಲ್ಲಿಯೇ ತನ್ನಪ್ಪನನ್ನು ಅವನೇ ಸಾಯುವಂತೆ ಮಾಡಿದ್ದ ಖಳನಿಗೆ ನಾಯಕ   ಸವಾಲಾಗುತ್ತಾನೆ. ಮುಂದೆ..? ಹೌದು ಮಜಾ ಇರುವುದು ಇಲ್ಲೇ. ಕೊನೆಯಲ್ಲಿ ಏನೋ ಒಂದು ಆಗುತ್ತದೆ. ಆದರೆ ಅಲ್ಲಿಯವರೆಗೆ ನಡೆಯುವ ಘಟನೆಗಳು ನಮ್ಮನ್ನು ಕಣ್ಣು ರೆಪ್ಪೆ ಮುಚ್ಚದಂತೆ ಆವರಿಸಿಬಿಡುತ್ತದೆ. ಪ್ರತಿ ಸನ್ನಿವೇಶವೂ ಕುತೂಹಲ ಕೆರಳಿಸುತ್ತಾ ಸಾಗುತ್ತದೆ. ಇದರಿಂದಾಗುವ ಅನಾಹುತಗಳು, ಅದನ್ನೆಲ್ಲಾ ನಾಯಕ ಎದುರಿಸುವುದು...ಚಿತ್ರದ ಕಥೆಯನ್ನು ಮುಂದಿನ ದೃಶ್ಯಾವಳಿಗಳನ್ನು ನೋಡೇ ಅನುಭವಿಸಬೇಕು. 2010ರಲ್ಲಿ ಬಿಡುಗಡೆಯಾದ, ಒಂದು ಘಂಟೆ ಐವತ್ತೈದು ನಿಮಿಷಗಳ  ಈ ಥ್ರಿಲ್ಲರ್ ಚಿತ್ರವನ್ನು   ತಪ್ಪದೆ ನೋಡಿ...
ಇದೆ ಸಿನಿಮಾದ ಕಥೆಯ ಎಳೆಯನ್ನು ಆಧರಿಸಿ ತಮಿಳಿನಲ್ಲಿ ಖ್ಯಾತ ನಿರ್ದೇಶಕ ಮುರುಗದಾಸ್ , ಸೂರ್ಯ ಅಭಿನಯದಲ್ಲಿ 'ಏಳಾಯಂ ಅರಿವು' ಮಾಡಿದ್ದು ನಿಮಗೆ ಗೊತ್ತಿರಬಹುದು.




5 comments:

  1. Hi Ravi,, hmm naanu aa movie nodidini, 7th Sense anta Telugu bhashenalli,, tumba chenagide aa cinema

    ReplyDelete
  2. ha smitha..nanu nodiddeeni..neevimme haunters nodi...


    amele neevyaava cinema nodidree recent aagi..

    ReplyDelete
  3. Hi paa,, naanu movies nododu tumbaane kadime,, but nimma blog nodoke shuru maadid mele nodo aase aagtide nange. tumba chennagi baritira neevu, :)

    ReplyDelete
  4. houda? thanks... cinema nododu, ododu, ondashtu harate...mamuli kelsa...chennaagirutte.illandre lifu interesting ansalla..enanteera..?

    ReplyDelete
  5. hmmm,,, houdu Ravi,, nimma ella articles nodi/odi mugsidini, inmele time adjust madkondu movies ella nodbeku, I wud like to see all the movies in ur "nodale bekada chitragalu" list,

    ReplyDelete