Thursday, September 20, 2012

ಬೆಳ್ಳಿ ಪರದೆಯ ಗೋಲ್ಡನ್ ಟಾಕೀಸ್ ....

ನಮ್ಮ ಸಿನೆಮಾದ ಕೆಲಸ ಮುಗಿದು ಸೆನ್ಸಾರ್ ಆಯಿತು.ಸ್ವಲ್ಪ ಪ್ರಚಾರಕ್ಕೆ ತಲೆ ಕೆಡಿಸಿಕೊಳ್ಳೋಣ ಎಂದೆನಿಸಿ ಅದಕ್ಕಿರುವ ಲಾಭಕರ ಮಾರ್ಗಗಳನ್ನು ಹುಡುಕತೊಡಗಿದ್ದೆ.ಚಿತ್ರರ೦ಗದಲ್ಲಿ ಸಿನಿಮಾ ಮಾಡುವುದೇ ಒ೦ದು ತೂಕವಾದರೆ ಅದನ್ನು ಬಿಡುಗಡೆಮಾಡುವುದು ಇನ್ನೊ೦ದು ತೂಕ.ಅದೆ೦ತಹ ರಿಸ್ಕಿನ ಕೆಲಸವೆ೦ದರೆ ಮೊದಲಿಗೆ ವ್ಯವಸ್ಥಿತ ಪ್ರಚಾರ ಮಾಡಬೇಕು.ಅನ೦ತರ ಹ೦ಚಿಕೆದಾರರ ನೆರವಿನಿ೦ದ ಚಿತ್ರಮ೦ದಿರಗಳಲ್ಲಿ ಬಿಡುಗಡೆ ಮಾಡಬೇಕು. ಅದರಲ್ಲೂ ನಮ್ಮ೦ತಹ ದೊಡ್ಡ ಸ್ಟಾರ್ ಇಲ್ಲದ ಸಿನೆಮಾಗಳಿಗೆ ಚಿತ್ರದ ಕಥೆ -ನಿರೂಪಣೆಯೇ ಬ೦ಡವಾಳವಾದರೋ ಅದೆಲ್ಲ ಸಿನಿಮಾ ಬಿಡುಗಡೆಯಾದಮೇಲೆ. ಆದರೆ ಬಿಡುಗಡೆಯಾದ ಮೊದಲದಿನ ಜನರನ್ನು ಚಿತ್ರಮ೦ದಿರಕ್ಕೆ ಸೆಳೆಯಬೇಕಾದರೆ ಅದಕ್ಕೆ ದೊಡ್ಡ ಮಟ್ಟದ ಪ್ರಚಾರ ಬೇಕೇಬೇಕು. ನಿರ್ಮಾಪಕರ ಕಿಸೆ ದೊಡ್ಡದಿರಬೇಕು. ಇರಲಿ.ಸಿನಿಮಾ ಬಿಡುಗಡೆಯೆಲ್ಲ ಪಕ್ಕ ಆದಮೇಲೆ ವಿದ್ಯುನ್ಮಾನ ಮತ್ತು ಪತ್ರಿಕಾ ಮಾಧ್ಯಮದಲ್ಲಿ ಪ್ರಚಾರ ಮಾಡೋಣ ಅದಕ್ಕೂ ಮುನ್ನ ಯಾವ್ಯಾವ ಬೇರೆ ಬೇರೆ ದಾರಿಗಳಿವೆ ಎ೦ದು ಹುಡುಕುತ್ತಿದ್ದಾಗ ಗೊತ್ತಾದದ್ದು ಗೋಲ್ಡನ್ ಟಾಕೀಸ್ ಎ೦ಬ ಆನಲೈನ್ ಪಾರ್ಟ್ನರ್ ಇದ್ದಾರೆ ಎ೦ಬುದು. ಇರಲಿ ಎ೦ದು ಅದರ ಕಛೇರಿಗೊಮ್ಮೆ ಎಡತಾಕಿದೆ.
ಸಿನಿಮಾದ ಲೆಕ್ಕಾಚಾರಗಳೇ ವಿಚಿತ್ರ. ನಮ್ಮಲ್ಲಿ ಅದರಲ್ಲೂ ಹಣಕಾಸಿನ ವಿಚಾರದಲ್ಲಿ ಅದು ತೀರಾ ಅಧ್ವಾನ. ಕಥೆ -ಚಿತ್ರಕಥೆ ಬರೆಯುವವನಿಗೆ ಹಣ ಕೊಡಲು ಹಿಂದೆ ಮುಂದೆ ನೋಡುತ್ತೇವೆ. ಆದರೆ ಒಂದು ಹಾಡಿಗೋ ಇನ್ನೇತಕ್ಕೋ ಯದ್ವಾತದ್ವಾ ಖರ್ಚು ಮಾಡುತ್ತೇವೆ.ಎಲ್ಲೋ ಲಕ್ಷ ಲಕ್ಷ ಹೋಗುತ್ತಿರುತ್ತದೆ. ಮತ್ತೆಲ್ಲೋ ನೂರು-ಇನ್ನೂರಕ್ಕೆ ಹಿಂಜಾಡುತ್ತಿರುತ್ತೇವೆ. ಹಾಗೆ ಸಿನಿಮಾದ ಪ್ರಚಾರ ಅದು ಇದು ವಿಷಯಗಳಲ್ಲೂ ಅಷ್ಟೇ. ಇದೆಲ್ಲವನ್ನೂ ಮನಸಿನಲ್ಲಿರಿಸಿಕೊಂಡು ಗೋಲ್ಡನ್ ಟಾಕೀಸ್ [www.goldentalkies.com]ಪ್ರಾರಂಭಿಸಿದ್ದಾರೆ ಮೂರ್ನಾಲ್ಕು ಉತ್ಸಾಹಿ ಗೆಳೆಯರು.ಅವರೆಲ್ಲಾ ಸಿನಿಮಾದವರೇ. ಸಿನಿಮಾದಲ್ಲಿ ನಾನಾ ವಿಭಾಗದಲ್ಲಿ ಕೆಲಸ ಮಾಡಿದವರೇ. ಅವರೇ ಹೇಳುವಂತೆ ಅವರುಗಳೆಲ್ಲಾ ಸಿನೆಮಾ ಮಾಡುವಾಗ ಈ ತರಹದ್ದೊಂದು ಅಂತರ್ಜಾಲವ್ಯಾಪಿ ವೆಬ್ ಸೈಟ್ ಕನ್ನಡಕ್ಕೆ ಬೇಕಾಗಿದೆ ಎಂಬ ಸತ್ಯವನ್ನರಿತು ಸುಮಾರು ಕಡೆ ಎಡೆತಾಕಿದ್ದಾರೆ. ಸುಮಾರು ಜನರ ಜೊತೆ ಇದರ ಬಗ್ಗೆ ಚರ್ಚಿಸಿದ್ದಾರೆ. ಎಲ್ಲೂ ಆಶಾದಾಯಕ ಉತ್ತರ ಸಿಕ್ಕಿಲ್ಲ ಐಡಿಯಾ ಚೆನ್ನಾಗಿದೆಯಾದರೂ ಲಾಭ ಮಾತ್ರ ಅಷ್ಟಕಷ್ಟೇ. ಹಾಗಾಗಿ ಇವರೇ ಪ್ರಾರಂಭಿಸಲು ಯೋಚಿಸಿದ್ದಾರೆ. ಹಾಗಂತ ಏನೋ ಒಂದು ಮಾಡಿದರೂ ಅದು ಸಾರ್ಥಕವಾಗುವುದಿಲ್ಲ  ಎಂಬ ಸತ್ಯ ಗೊತ್ತಿದ್ದರಿಂದ ಮೊದಲಿಗೆ ಅದ್ಭುತವಾಗಿ ಯಾವ ಪರಭಾಷಾ ವೆಬ್ ಸೈಟಿಗೂ ಕಮ್ಮಿಯಿಲ್ಲದಂತೆ  ರೂಪಿಸಿಬೇಕೆಂದುಕೊಂಡಿದ್ದಾರೆ.. ಕೇವಲ ಬೆರಳೆಣಿಕೆಯ ಸಂಖ್ಯೆಯ ಕೆಲಸಗಾರರಿರುವ ಗೋಲ್ಡನ್ ಟಾಕೀಸಿನ ಅವರೇ ಅಷ್ಟೂ ಕೆಲಸವನ್ನು ಹಂಚಿಕೊಂಡಿದ್ದಾರೆ. ಈಗ ಕೆಲಸವೇನೋ ಬಿಡುವಿಲ್ಲದಷ್ಟಿದೆ. ಆದರೆ ಇನ್ನೂ ಹಣಕಾಸು ವಿಷಯ ಮಾತ್ರ ತೃಪ್ತಿಕರವಾಗಿಲ್ಲ ..
"ನಮಗೂ ಹಣಕಾಸು ಮುಖ್ಯವೇ...ಹಾಗಂತ ಮೊದಲಿಗೆ ದುಡ್ಡಿಗೆ ನಿಂತರೆ ನಮಗೂ ಬೇರೆಯವರಿಗೂ ಏನು ವ್ಯತ್ಯಾಸ. ನಾವು ಸಿನಿಮಾಕ್ಕಾಗಿ ಎಲ್ಲವನ್ನು ಬಿಟ್ಟು ಬಂದವರು..ಒಂದು ಸಿನಿಮಾದ ರೂಪುರೇಷೆ ಹೀಗಿರಬೇಕು ಎಂದೆಲ್ಲಾ ಕನಸುಕಟ್ಟಿದವರು. ಇದು ನಮ್ಮ ಮೊದಲ ಹೆಜ್ಜೆ.. ಪರಭಾಷೆಗಳಲ್ಲಿನ ಪ್ರೋತ್ಸಾಹ ನಮ್ಮ ಭಾಷೆಯಲ್ಲಿ ಈ ವಿಭಾಗಕ್ಕಿಲ್ಲದೆ ಇರುವುದಕ್ಕೆ ನೂರು ಕಾರಣವಿದೆ. ಆದರೆ ಬಹುಮುಖ್ಯವಾಗಿ ಈ ತರಹದ ಸ್ಪಷ್ಟ ಕಲ್ಪನೆ ಇಲ್ಲದೆ ಇರುವುದು. ನಾವದನ್ನು ಕಷ್ಟಪಟ್ಟು ಮಾಡಿ ತೋರಿಸುತ್ತೇವೆ. ಒಂದು ಕಥೆಯನ್ನು ಒಬ್ಬ ನಿರ್ದೇಶಕ ಹತ್ತಾರು ನಿರ್ಮಾಪಕರಿಗೆ ಹೇಳಿಯೂ ಅದು ಸಫಲವಾಗದಿರುವ ಉದಾಹರಣೆಯಿದೆ. ಹಾಗಂತ ಆತ  ಸುಮ್ಮನೆ ಕುಳಿತುಕೊಳ್ಳಲಾಗುವುದಿಲ್ಲ ..ಸಿನಿಮಾ ಮಾಡಿ ಎಲ್ಲರಿಗೂ ತನ್ನ ಪ್ರತಿಭೆಯನ್ನು ತೋರಿಸಿ ಪ್ರೂವ್ ಮಾಡಬೇಕು...ಮತ್ತದನ್ನು ಆತ ಮಾಡುತ್ತಾನೆ ಕೂಡ . ಹಾಗೆಯೇ ಇದು..ನಾವು ಪ್ರೂವ್ ಮಾಡುತ್ತೇವೆ...' ಸಿನಿಮೀಯ ಶೈಲಿಯಲ್ಲೇ ಹೇಳುತ್ತಾರೆ ಇದರ ವ್ಯವಸ್ಥಾಪಕರು...
ಸಿನಿಮಾದ ಚಿತ್ರಗಳು, ದೃಶ್ಯಗಳು ಮುಂತಾದವುಗಳನ್ನು ಗೋಲ್ಡನ್ ಟಾಕೀಸ್ ಗೆ ಕೊಟ್ಟುಬಿಟ್ಟರೆ ಮುಗೀತು.ಅವರೇ ಹಲವಾರು ಸೋಸಿಯಲ್  ನೆಟ್ ವರ್ಕ್  ಮೂಲಕ ವ್ಯವಸ್ಥಿತ ಪ್ರಚಾರ ಮಾಡುತ್ತಾರೆ. ವೈರಲ್ ಮಾರ್ಕೆಟಿಂಗ್ ತಂತ್ರವನ್ನು ಅಳವಡಿಸಿಕೊಂಡಿರುವ ಮತ್ತು ಕನ್ನಡದಲ್ಲಿ ಅಧಿಕೃತವಾದ ವೆಬ್ ಸೈಟ್ ಗೋಲ್ಡನ್ ಟಾಕೀಸ್ ಒಂದೇ. ವ್ಯವಸ್ಥಿತವಾಗಿ ಮತ್ತು ನಿರಂತರವಾಗಿ ಸ್ಟೇಟಸ್ ಅಪ್ ಡೇಟ್ ಮಾಡುತ್ತಾರೆ..ಅದ್ಭುತವಾದ ಪ್ರೆಸ್ ಕಿಟ್  ತಯಾರಿಸಿಕೊಡುತ್ತಾರೆ. ಪೋಸ್ಟರ್ ಗಳನ್ನೂ ಅಪ್ಡೇಟ್ ಮಾಡುತ್ತಾರೆ. ಟ್ರೈಲರ್ ಹಾಕಿ ಅದರ ಲಿಂಕನ್ನು ಹಲವಾರು ಸಿನಿಪ್ರೇಕ್ಷಕರಿಗೆ ತಲುಪುವಂತೆ ಮಾಡುತ್ತಾರೆ. ಒಟ್ಟಿನಲ್ಲಿ ಸಿನಿಮಾ ಬಿಡುಗಡೆಗೆ ಮುನ್ನವೆ ಆ ಸಿನಿಮಾದ ಬಗ್ಗೆ ಒಂದಷ್ಟು ನಿರೀಕ್ಷೆ ಮೂಡುವಂತೆ ಮಾಡುತ್ತಾರಲ್ಲದೆ ಒಂದಷ್ಟು ಜನ ಅದರ ಬಗ್ಗೆ ಮಾತಾಡುವಂತೆ ಮಾಡುತ್ತಾರೆ. ಹಾಗೆ ಅತೀ ಕಡಿಮೆ ಬೆಲೆಯಲ್ಲಿ ಚಿತ್ರದ ವೆಬ್ಸೈಟ್ ತಯಾರಿಸಿಕೊಡುತ್ತಾರೆ.
ಸಿನಿಮಾ ಎಂಬ ಮಾಯಾಲೋಕ ಇನ್ನು ಎಷ್ಟೆಷ್ಟು ವರೈಟಿಯ ಕನಸುಗಾರರನ್ನು ಹೊಂದಿದೆಯೋ ಎಂಬ ಕಲ್ಪನೆ ಆಶ್ಚರ್ಯ ತರಿಸುತ್ತದೆ.


6 comments:

  1. ALL THE VERY BEST to ur Film Ravi,, I m waiting for the release :),,

    ReplyDelete
  2. Nice to know about Golden Talkies and their goal. Hope they meet with success. I like the posters of March 23.( haaDu ideyaa?? :-()
    Talking about advertising/marketing, recently me and daughter watched the trailer of 'Shirin Farhad ki nikal padi'..it was so impressive that we booked tickets to the show. But the actual movie was a damp squib. many of my friends who watched the movie felt the same way...sumne sharing asTe..
    :-)
    malathi S

    ReplyDelete
    Replies
    1. thanks... no complete song...only a bit of 2 mins song is there...i will post the song soon...
      mine is suspense thriller n u people tell me the review after watching..

      Delete
    2. oh wow thats exciting!! Me and Niharika looking forward to the release..Do keep us in the loop with further details..will chk this space..
      :-)
      ms

      Delete