Wednesday, July 4, 2012

ಮೆಚ್ಚಿನ ಕಲಾವಿದರು-1


ಆರು ತಿಂಗಳಿನ ನ೦ತರ ಬ್ಯಾಟ್ ಮ್ಯಾನ್ ಚಿತ್ರಕ್ಕಾಗಿ..
ದಿ ಡಾರ್ಕ್  ನೈಟ್ ರೈಸೆಸ್  ಚಿತ್ರವನ್ನ ಕಾತರದಿಂದ ಎದುರು ನೋಡಲು ಎರಡು ಕಾರಣಗಳಿವೆ. ಮೊದಲನೆಯದು ನನ್ನ ಮೆಚ್ಚಿನ ನಿರ್ದೇಶಕ ಕ್ರಿಸ್ಟೋಫರ್ ನೋಳನ್ ನ ನಿರ್ದೇಶನ ಮತ್ತು ಮೆಚ್ಚಿನ ಕಲಾವಿದ ಕ್ರಿಶ್ಚಿಯನ್ ಬೇಲ್  ನಟನೆ. 2011 ರಲ್ಲಿ ಫೈಟರ್ ಚಿತ್ರಕ್ಕಾಗಿ ಅತ್ಯುತ್ತಮ ಪೋಷಕ ನಟ ಆಸ್ಕರ್ ಪ್ರಶಸ್ತಿಯನ್ನು ತನ್ನದಾಗಿಸಿಕೊ೦ಡಿರುವ ಬೇಲ್ ಪಾತ್ರಕ್ಕಾಗಿ, ಆ ಪಾತ್ರದ ಜೀವ೦ತಿಕೆಗಾಗಿ ಯಾವ ಪ್ರಯತ್ನವನ್ನೂ ಎಗ್ಗಿಲ್ಲದೆ ಭಯಪಡದೆ ಮಾಡುವ ಕಲಾವಿದ. ಹಾಲಿವುಡ್ ಚಿತ್ರಪ್ರಪ೦ಚದಲ್ಲಿ ಅತೀ ಕಡಿಮೆ ಬಜೆಟ್ಟಿನ ಚಿತ್ರಗಳಲ್ಲಿ, ಹಾಗೆಯೇ ದೊಡ್ಡ ಬಜೆಟ್ಟಿನ ಚಿತ್ರಗಳಲ್ಲಿ ಆರ್ಟ್ ಹೌಸ್ ಚಿತ್ರಗಳಲ್ಲಿ, ಸ್ವತಂತ್ರ ನಿರ್ಮಾಣ ಸಂಸ್ಥೆಗಳಲ್ಲಿ ನಟಿಸಿ ತನ್ನ ಛಾಪನ್ನು ಮೂಡಿಸಿರುವ ಪ್ರತಿಭಾವಂತ. 
ದಿ ಮೆಷಿನಿಸ್ಟ್ ಎ೦ಬ ಇಂಗ್ಲೀಷ್ ಭಾಷೆಯ ಸ್ಪ್ಯಾನಿಶ್ ನಿರ್ಮಾಣದ ಚಿತ್ರವೊ೦ದಿದೆ. 2004ರಲ್ಲಿ ತೆರೆಗೆ ಬಂದ ಈ ಮನೋವೈಜ್ಞಾನಿಕ ಚಿತ್ರದ ನಿರ್ದೇಶಕ ಬ್ರಾಡ್ ಅಂಡರ್ಸನ್. ನಿದ್ರಾಹೀನತೆಯಿಂದ ಬಳಲುವ ಕಾರ್ಮಿಕನೊಬ್ಬನ ಕಥೆ ಇದು...ಸುಮಾರು ದಿನ ನಿದ್ರೆ ಮಾಡದೇ ಇದ್ದದ್ದರಿಂದ ಕೃಶಗೊಳ್ಳುತ್ತಾ ಹೋಗುವ ಕಾರ್ಮಿಕ ವಿಚಿತ್ರವಾಗಿ ವರ್ತಿಸಲು ಪ್ರಾರಂಭಿಸುತ್ತಾನೆ.. ಅವನ ಈ ವರ್ತನೆಯಿಂದಾಗಿ ಸಹೋದ್ಯೋಗಿಗಳು ಅವನನ್ನು ದೂರವಿಡುತ್ತಾರೆ.ಇದರ ನಡುವೆ ಇವನ ಹುಚ್ಚುತನದಿಂದಾಗಿ ಫ್ಯಾಕ್ಟರಿಯಲ್ಲಿ ಸಹೋದ್ಯೋಗಿಯೊಬ್ಬ ಕೈ ಕಳೆದುಕೊಳ್ಳಬೇಕಾಗುತ್ತದೆ..ಎಲ್ಲರೂ ಇವನ ಮೇಲೆ ದೂರಿದರೇ, ನಾಯಕ ಮಾತ್ರ ಇದಕ್ಕೆಲ್ಲಾ ಕಾರಣ ಇವಾನ್ ಎನ್ನುವ ವ್ಯಕ್ತಿ ಎ೦ದು ಹೇಳುತ್ತಾನೆ..ಇಡೀ ಕಾರ್ಮಿಕ ಪರಿವಾರಕ್ಕೇ ಆ ಇವಾನ್ ಎನ್ನುವ ವ್ಯಕ್ತಿಯ ಪರಿಚಯವಿರುವುದಿಲ್ಲ..ಮತ್ತು ಆ ಫ್ಯಾಕ್ಟರಿಯಲ್ಲಿ ಇವಾನ್ ಎಂಬ ಹೆಸರಿನ ಕಾರ್ಮಿಕನೂ ಇರುವುದಿಲ್ಲ..ಆದರೆ ನಾಯಕ ಮಾತ್ರ ತನ್ನ ಜೀವನದಲ್ಲಿ



 ನಡೆಯುವ ಎಲ್ಲಾ ಅವಘಢಗಳಿಗೆ ಇವಾನನೇ ಕಾರಣ ಎ೦ದು ಭಾವಿಸಿ ಅವನನ್ನು ಹುಡುಕಲು ಪ್ರಾರಂಭಿಸುತ್ತಾನೆ..ಅವನಿಗೆ ಇವಾನ್ ಸಿಗುತ್ತಾನಾ..?ಇದು ಕಥೆಯ ಹೂರಣ..ನಿಜವಾಗಿ ಅಲ್ಲಿ ಇವಾನ್ ಎನ್ನುವ ವ್ಯಕ್ತಿ ಇರುವುದೇ ಇಲ್ಲ..ಅದು ನಾಯಕನದೇ ಕಲ್ಪನೆಯ ವ್ಯಕ್ತಿ..!!
ಇಲ್ಲಿ ಬರುವ ನಾಯಕನ ಪಾತ್ರ ನಿರ್ವಹಿಸಿರುವವನು ಕ್ರಿಶ್ಚಿಯನ್ ಬೇಲ್ .ದಿನದಿನಕ್ಕೆ ಕೃಶಗೊ೦ಡು ಅಸ್ಥಿಪಂಜರದಂತಾಗುವ ನಾಯಕನ ಪಾತ್ರವನ್ನು
ಕ್ರಿಶ್ಚಿಯನ್ ಬೇಲ್ ನಿರ್ವಹಿಸಿರುವ ರೀತಿ ಅದ್ಭುತವಾದದ್ದಷ್ಟೇ ಅಲ್ಲ, ತ್ರಾಸದಾಯಕವಾದದ್ದು.ಯಾಕೇಂದರೆ ಕ್ರಿಶ್ಚಿಯನ್ ಬೇಲ್ ಈ ಚಿತ್ರಕ್ಕಾಗಿ ಅನಾಮತ್ತು ಸುಮಾರು  30 ಕೆ.ಜಿ. ತೂಕ ಕಳೆದುಕೊಂಡಿದ್ದ. ಬಹುಶ: ಚಿತ್ರ ಜಗತ್ತಿನಲ್ಲೇ ಸಿನಿಮಾಕ್ಕಾಗಿ ಇಷ್ಟೊ೦ದು ಸಣ್ಣ ಆದ ನಟ ಮತ್ತೊಬ್ಬನಿಲ್ಲ..ಕ್ರಿಶ್ಚಿಯನ್ ಬೇಲ್ ಹುಟ್ಟಿದ್ದು ಜನವರಿ,30 1974ರಲ್ಲಿ.ಪಾತ್ರಕ್ಕಾಗಿ ಎ೦ಥ ತ್ರಾಸಿಗೆ ಬೇಕಾದರೂ   ಸಿದ್ಧನಾಗುವ ಈ ಕಲಾವಿದ ಮೆಷಿನಿಸ್ಟ್ ಸಿನಿಮಾದ ನಂತರದ ಚಿತ್ರ  ಬ್ಯಾಟ್‌ಮನ್ ಬಿಗಿನ್ಸ್‌ಗಾಗಿ ಕೇವಲ ಆರು ತಿಂಗಳಲ್ಲೇ ತೂಕ ಹೆಚ್ಚಿಸಿಕೊ೦ಡು ತನ್ನ ದೇಹದಾರ್ಢ್ಯತೆಗಳಿಸಿಕೊಂಡಿದ್ದ.            
 ಪಬ್ಲಿಕ್‌ಎನಿಮೀಸ್[2009], ಟೆರ್ಮಿನೇಟರ್‌ಸಾಲ್ವೇಷನ್[2009], ದಿ ಡಾರ್ಕ್‌ನೈಟ್[2008], ಐ ಯಾಮ್‌ನಾಟ್‌ದೇರ್[2007],ದಿ ಪ್ರೆಸ್ಟೀಜ್[2006], ರೀನ್‌ ಆಫ್ ಫೈರ್[2002], ಅಮೆರಿಕನ್ ಸೈಕೋ[2000]             
ಕ್ರಿಶ್ಚಿಯನ್ ಬೇಲ್ ಅಭಿನಯಿಸಿರುವ ಯಶಸ್ವಿ ಚಿತ್ರಗಳು
ಮೇಲಿನ  ದಿ ಮಷಿನಿಸ್ಟ್ ಮತ್ತು ಬ್ಯಾಟ್ ಮ್ಯಾನ್ ಬೆಗಿನ್ಸ್ ಚಿತ್ರಗಳ ತೆರೆಚಿತ್ರಗಳನ್ನು ಗಮನಿಸಿದರೆ ಬೇಲ್ ನ ಪರಿಶ್ರಮದ ಮನವರಿಕೆಯಾಗುತ್ತದೆ.

3 comments:

  1. One of top dedicated actor.
    Empire of the sun and Rescue down too are one of the top movies. I haven't seen them personally though

    ReplyDelete
    Replies
    1. no doubt...am very much adore him for his stunnin performance in the film FIGHTER ...

      Delete