drops

1.

ಚುಮುಗುಡುವ ಚಳಿಯಲ್ಲಿ
ಮೇಲೇಳಲು ಬೇಸರ
ಬೆಚ್ಚನೆಯ ಹೊದಿಕೆಯನು
ಕಿತ್ತೊಗೆಯಲು ತಾತ್ಸಾರ..

ಹಾಗಂತ ಮಲಗುವನೆ ನೇಸರ..?
ತಾ ಬೇಗ ಎದ್ದು ನಮ್ಮನ್ನೆಲಾ ಎಬ್ಬಿಸುವನು
ಅವನಿಗೊಂದು ನಮಸ್ಕಾರ..

ಶುಭೋದಯ.

2.

ಎಲ್ಲಾ ಘಳಿಗೆಗೂ
ಅದರದೇ ಹಮ್ಮು...
ನಿಲ್ಲದೆ ಓಡುವ ಬಿಮ್ಮು
ತಾ ಕಾಯದೆ, ನಮ್ಮ ಮಾತ್ರ ಕಾಯಿಸಿ,
ಬಂದರೆಘಳಿಗೆ ಚಂದೆನಿಸಿ
ಕನಸಾಗುವ ಅರೆಕ್ಷಣದಲ್ಲಿ ಅನಿಸಿದ್ದು..

ನಾನಿದ್ದೆ, ಕ್ಷಣವಿತ್ತು
ನೀನಿರಬೇಕಿತ್ತು...ನೀನಿರಬೇಕಿತ್ತು...

3.

ಅದೇ ಬೆಳಗು
ಅದೇ ಸಂಜೆ...ಮತ್ತೇನಿದೆ
ಎಂದು ಮತ್ತೆ ಮಲಗಲೆತ್ನಿಸಿದ ಮನಕೆ

ಒಳ ಮನಸ್ಸು ಹೇಳಿದ್ದು:
ಬೆಳಗು ಅನಾದಿ ಕಾಲದ್ದು.
ನಿನ್ನ ಬದುಕಿಗದು ಪ್ರತಿ ದಿನ ಹೊಸದು..

ಏಳು..ಮೇಲೇಳು...